تنخواہوں میں تاخیر :سعودی عرب میں غیر ملکی ملازمین کا ایک با ر پھر شدید احتجاج،کئی بسوں کو جلادیا

cnnpointریاض (مانیٹرنگ ڈیسک )سعودی عرب میں محض چند ماہ میں غیر ملکی ملازمین نے دوسری مرتبہ احتجاج کیا۔جدہ میں ایک بڑ ی کنٹریکٹ کمپنی کے 150سے زائد غیر ملکی ملازمین کمپنی کے سامنے جمع ہوئے اور تنخواہوں کی ادائیگی کے خلاف شدیداحتجاج کرتے ہوئے متعدد گاڑیوں کو آگ لگا دی۔
عرب نیوز کے مطابق سعودی اوگر کمپنی کے مشتعل ملازمین نے جدہ میں واقع فرم کی ایک برانچ جکے سامنے شدید احتجاج کرتے ہوئے کمپنی کی کئی بسیںاورگاڑیاں جلا ڈالیں۔
اطلاع ملتے ہی پولیس کی بھاری نفری اور سول ڈیفنس کی کئی ٹیمیں موقع پر پہنچ گئیں جہاں پولیس نے مظاہرین کو منتشر کیا جبکہ امداد ی ٹیموں نے گاڑیوں کو لگی آگ بجھائی۔
جدہ پولیس کے ترجمان کے عطی القریشی کے مطابق سعودی اوگر کمپنی کے 150غیر ملکی ملازمین پہلے کمپنی کے برانچ آفس کے سامنے پیر کی رات 9بجے جمع ہوئے اور 6ماہ سے تنخواہوں کی عدم ادائیگی کیخلاف شدید احتجاج کیا۔بعدازاں وہ مشتعل ہو گئے اور انہوںنے گاڑیاں جلا کر اپنے غصہ نکالا۔
قبل ازیں بن لادن کمپنی کے سینکڑوں ملازمین نے بھی مکہ میں احتجاج کرتے ہوئے کمپنی کی کئی بسوں کو جلایا تھا۔بن لادن کمپنی کو تیل کی قیمتوں کی وجہ سے اربوں کا خسارہ ہو ا تھا جس کی وجہ سے اسے تنخواہوں کی ادائیگی میں مشکلات کا سامناکرنا پڑا۔
خیال رہے کئی خلیجی ممالک کی کنسٹرکشن کمپنیاں تیل کی قیمتوں میں کمی کے دباو¿ کی وجہ سے اس قدر مالی مشکلا ت کا شکار ہیں کہ وہ اپنے ورکرز کو تنخواہوں کی ادائیگی کرنے سے بھی قاصر ہیں۔
واضح رہے کہ مارچ 2016میں سعودی عرب کی وزارت محنت کی جانب سے ورکرز کی تنخواہوں میں رکاوٹ کے معاملات کو حل کرنے کیلئے کئی اقدامات اٹھائے ہیں۔

Editor
Editor
Web Administrator at CNN POINT Admin is the Web Administrator of CNN Point, Admin is the Official Author of CNN Point